Her er ein stimbrandi saft sum er ein rein vitaminbumba. Hesin saftin er úr vatnmelón, kiwi, jarðberjum og nýggjum rósmarini. Tað er ein lekkur saft at gera – serliga um summarið, tá vit hava lættari atgongd til hesar frísku fruktirnar.
Vatnmelón er ein góð kelda til ymiskar vitaminir og mineralir, eitt nú A-, C-, B6-vitaminir, folat, kalium og magnesium. Hesi føðsluevni hava ein avgerandi leiklut í, at kroppin virkar, og stuðla alt frá sunnari sjón og immunfunktión til muskelfunktión og beinheilsu.
Kiwi er rík av antioxidanti, serliga C-vitamin, sum hjálpir til at verja kyknurnar fyri fríum radikalum. Faktiskt skalt tú bara eta 100g av kiwi fyri at nøkta tín dagliga C-vitamin tørv.
Jarðber innihalda nógv antioxidantar, sum eru til gagns fyri bæði kroppin og húðina. Tú finnur fleiri anti-aging antioxidantar í jarðberjum, so sum antocyanin og katekin. Harumframt eru jarðber rík av C-vitamin og kosttrevjum. Antioxidantirnar og fiburin í jarðberjum hjálpa til at lækka blóðtrýstið og minka um vandan fyri hjarta- og æðrasjúkum.
Uppskrift
Partar:
-
2 kiwifruktir
-
2 bollar (umleið 300 g) vatnmelónbitar
-
4 jarðber
-
1 kvist av nýggjum rósmarin
Mannagongd:
Flys kiwirnar og sker tær í helvt. Reinsa og fyrireika jarðberini.
Saft kiwi, vatnmelón, jarðber og rósmarin saman – skift gjarna millum tilfarið á leiðini fyri at fáa ein slættan smakk.
Drekk saftina beint aftaná.
Vælkomin!
