Brúka ricinusolju til at fáa sunnari, sterkari, fylliri og longri hár

Ricinusolja er ein kend olja, sum verður brúkt nógvastaðni kring heimin til vakurleikarøkt. Ricinusolja hevur nógvar góðar eginleikar. Tað hevur natúrligar antibakteriellar og antifungalar eginleikar. Hon inniheldur góðar og føðsluríkar vitaminir, mineralir og proteinir. Tað hevur høgt innihald av E-vitamin, omega 6 og 9 øðrum góðum feittsýrum. Oljan er tí sera gagnlig fyri húð og hár.

Oljan verður brúkt móti akne, bólum, útbrotum, hártap og øðrum húðsjúkum.

Hvussu brúki eg ricinusolju í hárið?

Tú kanst brúka oljuna á hárbotninum til at fyribyrgja ella viðgera hártap og flasa. Ricinusolja skapar eitt sunt umhvørvi á hárbotninum við at burturbeina hárbotnssmittur, og tey góðu føðsluevnini, sum oljan inniheldur, hjálpa til at nøra og styrkja hárið. Blóðrenslið í hárbotninum økist og betra um hárvøksturin. Hárið veksur skjótari, tá tú brúkar ricinusolju.

Ricinolja inniheldur 85% ricinolsýru. Ricinolsýra sigst javna hárbotnin og endurreisa natúrligu oljurnar í hárbotninum. Antioxidantirnar í oljuni stuðla eisini keratini í hárinum, og gera tað sterkari og slættari. Tað verður lættari hjá tær at greiða ígjøgnum hárið, tí hárið fløkist ikki longur, tá tú brúkar ricinusolju.
Ricinusolja er sera gagnlig fyri hárvøkstur. Tú skalt bara brúka smáar dropar av luksusoljuni til at nøra hárið.

Hvussu ofta skal eg brúka ricinusolju?
2-3 ferðir um vikuna er nokk til at fáa úrslitini og ávirkanina av ricinusolju. Tú kanst smyrja oljuna á hárbotnin áðrenn tú fert í song fyri at lata hana virka yvir nátt. Tú kanst eisini smyrja oljuna á hárbotnin eftir at tú hevur vaskað hárið og minst til at turka hárið væl, áðrenn tú brúkar oljuna.